Pigtawan-duon ni Sarah Discaya sa Senate inquiry na “spliced” o pinutol soboot asin inedit an video interview kaini kun saen nagluwas na sinabi kaining nakakua sinda nin bilyon-bilyong proyekto gikan sa Department of Public Works and Highways (DPWH).
Paliwanag pa ni Discaya, binanggit kaini an eksperyensiya ninda sa local government antes pa man an DPWH, alagad hinali soboot sa bersyong nagluwas an parteng ini.
Kan haputon ni Senador Tito Sotto kun boot kaining sabihon na inedit kan TV Station asin kan nag-interview, an saiyang simbag digde na saiya man soboot pigmention na piggibo ini kaini sa lokal na gobyerno magin sa mga pribado.
Marurumduman na sinaysay kan Bureau of Customs (BOC) kun nakapagbayad ba kan tamang bayadan an mga imported na magagarang lunada ni Sara asin Curlee Discaya.
Ini an makalihis na ipahiling ninda sa publiko an koleksiyon ninda kan mga mamahalon na lunadan.
Sinaysay ni BOC Spokesperson Vincent Philip Maronilla na hihilingon ninda an mga kumpaniya asin mga accredited brokers asin kun anong klase kan importation an isinagibo.
Dugang pa kaini na kun igwang problema sa declaration, masagibo na sinda nin imbestigasyon.
Marurumdumang, inako kan duwa na sinda an government contractors na nakakua kaidto nin P31.5 bilyon na flood control projects.
Ipinag-orgulyo man kan duwa na igwa sindang 40 na mga luxury cars.
