Pigheras kan vlogger na si Diwata na ini an pig-arestrar huli sa “non-compliance” katakod kan saiyang pares business.
Sa sarong video na in-upload kan Miyerkules nin aga, pigsaysay ni Diwata na igwang warrant of arrest kontra sa saiya.
Sigun sa vlogger, na an tunay na pangaran Deo Jarito Balbuena, mayo ining nareseber na anuman na patanid o subpoena antes na arestuhon.Dugang pa kaini, bako man soboot ining dakulang negosyante.
Dae na nagtao pa nin detalye si Diwata dapit sa saiyang pagkakaaresto huli sa presenteng kaso na saiyang kinakahampang.
Siringman, pigsaysay kaini na paramientras sanang nakalaya makalihis na magpiyansa nin nasa P60,000, makalihis an 24 oras puon kan ini arestuhon.
Marurumduman kan Abril 2024, naarestrar naman si Diwata huli sa kasong slight physical injuries na pigsunad pa kan 2018, katakod kan soboot pangangaulog kaini sa sarong construction worker sa Pasay City.
Enot na nagsikat si Diwata makalihis na mag-viral an saiyang pares business huli sa overloaded servings sa baratong presyo. Nagin parte man ini kan cast kan sarong sikat na teleserye.
