Natapos na an kamawotan ni Serbian tennis star Novak Djokovic na makua an pang-25 na grand slam title.
Amay kaya ining nag-retire sa semifinals kan Australian Open huli sa injury sa saiyang toong hita.
Tinapos pa ni Djokovic an enot na set kontra ki world number 2 na si Alexander Zverev kun saen nadaog ini sa 7-6(5) sa kawat na nagdurar nin sarong oras asin 21 minuto.
Nakilhag na sana an mga nagdadalan kan mag handshake an mga parakawat hasta sa dagusang maghali na sa court si Djokovic.
Pinasalamatan ni Zverev an mga nagdalan nin huli ta dae sooot an mga ini naangot ki Djokovic makalihis na dae tinapos an kawat.
Pighurot na sana kaini sa audience an pagrespeto ki Djokovic huli ta itinao kaini an gabos na saiyang makakaya.Marurumduman, nakalaog sa semifinals kan Australian Open si Djokovic makalihis na daugon si Carlos Alcaraz kun saen nag-medical time out huli sa saiyang injury.
