NAGA CITY- Nagsunad nin kasong administratibo an Gabriela Womens Partylist laban sa mga opisyal kan Department of Health (DoH), Department of Education (DepEd), Department of Interior and Local Government (DILG) asin iba pang ahensya kan gobyerno na soboot igwa nin koneksyon sa implementasyon kan dengue vaccine na Dengvaxia.
Ini an kinumpirmar ni Congresswoman Arlene Brosas kan Gabriela Partylist sa eksklusibong entrevista kan Bombo Radyo Naga.
Sigon ki Brosas, kabale sa mga isinunad na kaso kan saindang grupo an graft charges na isinakat sa Office of the Ombudsman.
Mawot sana soboot nindanag masierto na padagos an gigibuhong serbisyo kan nasambitan ng mga ahensya kan gobyerno sa mga aking enot ng natudukan kan dengue vaccine arug na sana kan libreng pagpa-laboratoryo, pagpa-check up asin pagpapabulong kan nasambitan ng mga aki.
Apwera digdi, kaduda-duda man soboot an marikas na pag-aprubar sa nasambitan ng mahewasang vaccination project na inabot sana nin labi sa apat na bulan.
Dapat soboot tinapos muna an limang taon na panahon para sa clinical trials sa mga bagong bakuna para mayo kuta nang nasayang na buhay.
