Ipigheras kan Department of Health (DOH) na sinda nakarekord nin 48% na mas dikit na kaso nin rabies ngunyan na taon.
Base sa record kan DOH, poon pa kan Enero 4 sagkod Marso 14, 2026 sana, nakapag-record na sinda nin 37 na kaso nin rabies, na 48% mas hababa kumpara sa mga kaso na naitala kan parehong petsa kan nakaaging taon.
Sa ibong kaini, mahigot pa man giraray an pagirumdom kan DOH sa publiko na mag-ingat na dai makagat kan mga hayop ngonian na tig-init.
Pagirumdom kan DOH na mas halangkaw an tsansa na makagat an ataman na hayop kun mainit an panahon
Piglalaoman man na mas dakul an mga kaakian na magkakawat sa luwas kan saindang mga harong huli ta bakasyon na sa eskwelahan, kaya mas dakula an tsansa na makagat kan mga hayop na naglilibot-libot sa tinampo.
