Naglangkaw an numero kan mga kaso kan non-communicable diseases o mga helang na dae nakakahawa sa nasyon ngunyan na Kapaskuhan.
Kinumpirmar ini kan Department of Health (DOH), na kun saen nairehistro ninda an paglangkaw kan mga kaso magpuon ika-21 hasta ika-24 kan bulan nin Disyembre.
Sigun sa saindang datos, nagpakol sa 18 an mga kasong nairehistro sa laog sana kan apat na aldaw. Kabali sa mga nairehsistrong kaso an mga pasyenteng inatake sa puso, mga na-stroke, asin man mga inatake kan asthma.
An pagsubaybay sa mga siring na klase kan helang an parte na kan saindang Ligtas Christmas Campaign, sarong programa kan DOH na obhetong protehiran an salud kan publiko ngunyan na panahon kan Kapaskuhan.
Sa mas detalyadong datos, nagluluwas na 14 sa 25 pasyenteng nairehistrong inatake sa puso an nasa edad 60 pataas. Kaparehas man kaini, 14 sa 45 pasyenteng na-stroke an kabali sa parehong age group, edad 60 pataas.
Pigpapahiling kan mga datos na ini an pagigin vulnerable kan mga nakakagurang sa mga non-communicable diseases ngunyan na holiday season
