Pormal nang piglansar kan Department of Health- Metro Manila Center for Health Development ngonian na aldaw an saindang catch-up immunization campaign.
Target kan kampanyang ini na mabakunahan an total na 107,995 na kaakian sa Metro Manila laban sa mga helang.
Kabali sa mga nabakunahan digdi iyo an mga kaakian na edad 0-23 bulan sa NCR na dae pa naka avail nin BCG vaccine, Hepatitis B, bivalent oral polio vaccine, pentavalent vaccine.
Kabali man digdi an bakunang pneumococcal conjugate, inactivated poliovirus vaccine, tipdas, mumps, asin rubella vaccine.
Sa irarom kan programa, mabakunahan man an mga bados sa tetanus-diphtheria.
Target man na mabakunahan an mga adult na 60 anyos pataas kan katumbas na mga bakuna para maseguro an saindang marhay na salud.
