Posibleng magsakat sa 100,000 an mairerehistro na kaso kan dengue pag-abot nin ber months.
Katakod kaini, pigsaysay ni Health Secretary Ted Herbosa na tuyong ber months kaya karaniwang nagtatama an makukusog na uran, na piglalaoman na sasabayan pa kan La Niña, na mawot kan mga lamok na igwang darang dengue.
Huli digde, nahahadit man an Department of Health (DOH) na mapuli sa outbreak an mga kaso kan dengue na nairerehistro ngunyan sa nasyon.
Sa ngunyan, pigsaysay kan sekretaryo na mayo pang dengue outbreak sa nasyon alagad dae malabong mangyari ini kun malangkaw sa labi 100,000 an maikukurit na kaso kada taon.
Pigsierto man ni Herbosa na marekas na an pag-detect kan dengue huli sa sarong klase kan rapid test na matukoy kun igwang dengue o mayo an sarong indibidwal.
