Pigsierto kan Department of Health (DOH) na kontrolado kan ahensya an paglangkaw nin kaso kan Monkeypox (Mpox) sa nasyon, ini an huli sa liwat na pag-sipa kan numero kaini sa pirang lugar.
Sigun ki Health Secretary Teodoro Herbosa, mas hababa pa man an numero kan mga kaso ngunyan na taon kumparar sa parehong panahon kan nakalihis man na 2024.
Dugang pa ni Herbosa sa sarong entrevista na pinakusog kan DOH an kampanya kaini sa edukasyon, pagbulong asin isolation tangani mapugulan an pagkuriyat kan helang.
Mientrastanto dae man tinukoy kan sekretaryo kun saen man na lugar nairehistro an mga bagong kaso nin Mpox, alagad an mga iyo an nasa Clade II variant, buot sabihon mas mild asin kadaklan na kusang nagrarahay asin dae nangangaipuhan nin mahewasang intervention.
Kinumpirmar man kan DOH na dae kaiba an Pilipinas sa mga nasyong sakop kan Public Health Emergency of International Concern na idineklarar kan World Health Organization (WHO), na naka-sentro sana soboot sa mas nakahahawang Clade Ib variant.
