Inihayag kan Department of Justice na igwang katibayan o malalaoman an mga pigheras na impormasyon kan duwang tugang ni alyas Totoy, may tunay na pangarang Julie ‘Dondon’ Patidongan.
Kasunod kan pagsunad kan mga kaparientes kan nawawarang mga sabungero nin reklamo sa opisina kan kagawaran, sigun ki Secretary Jesus Crispin Remulla, reliable an duwang tugang ni alyas Totoy.
Saiyang kinumpirmar na si Elakim Patidongan an sarong bagong witness o testigo nindang kapot na iyong makatatabang sa isinasagibong pag-iimbestigar.
Marurumduman kaya na kan mga nakalihis na aldaw, saiyang pigheras na igwa sindang bagong testigo dapit sa isinasagibong imbestigasyon sa Missing Sabungeros Case.
Huli kaini, pig storya ni Justice Secretary Remulla na bilog an testimonya kan testigong si Elakim Patidongan huli ta kalakip kaini iyo an matibay na ebidensya.
Soboot bako sana siya basta ‘witness’ kundi nadiksubrehan pa mismo kaini an paggadan sa nagkapirang mga sabungero na hasta sa ngunyan, dae pa man nahahanap.
Dakula man an pagtubod kan nasambitan Ng sekretaryo na an mga impormasyong pigheras ni Elakim an iyong makapagpapatibay na may katotohahan an naenot na testimonya ni alyas Totoy, o Julie Dondon Patidongan.
Sigun pa sa mga iniliahad ni Secretary Remulla, 10 katao soboot an nasaksihan kan nasambitan ng testigo na ginadan sa kun saen nangyari an krimen.
Kaya man dae soboot maitatago na may gabat an mga pigbuyagyag kaini dapit sa nasambitan ng pangyayari katakod sa pagkawara kan mga sabungero.
Sa ibong man kaini, nahahampang ngunyan an gaming business tycoon na si Charlie ‘Atong’ Ang asin an kaiba pang iba, sa mga reklamong may kinaraman sa paggadan.
Pigsunad kaya an ‘murder’ asin ‘serious illegal detention’ kontra sa saiya kan mga kaparientes kan nawawarang mga sabungero.
Alagad paglilinaw kan Department of Justice na maagi pa sa pagsisiyasat o evaluation an mga reklamong pigsunad sa saindang tanggapan.
