Inabisohan kan Department of Labor and Employment (DOLE) an mga sadit na negosyante na pwede sindang maghagad nin exemption hale sa paglangkaw kan sahod.
Segun sa DOLE, an mga sadit na retail o service establishment na dai malampas sa 10 empleyado o an mga apektado kan “natural calamities o mga human-induced disasters” pwedeng mag-aplay para sa wage hike exemption.
Igwa nin 75 aldaw an mga employer para mag-aplay poon kan maging epektibo an wage order.
Marapat suboot na ipasa ini sa mga Regional Wage Boards sa saindang mga rehiyonal na opisina kan DOLE.
Mantang an mga registered barangay micro business enterprises o igwang total na assets na P3 milyon pababa dai sakop kan Minimum Wage Law na nakasaad sa Section 8 kan batas.
Kun an isinumitir na exemption dai inako kan DOLE, marapat na ipatupad na kan employer an bagong wage order.
