DOLE, nagpatanid sa pay rules sa Araw ng Kalayaan sa June 12

NAGA CITY- Nagpaluwas nin abiso si Department of Labor and Employment (DOLE) Secretary Bienvenido Laguesma na dapat magsunod an mga employers sa pay rules sa maabot na holiday o sa Independence Day.

Makakareseber nin double pay o 200 percent kan sweldo an mga pribadong sektor na obrero na magtatrabaho sa June 12 o sa Araw ng Kalayaan.

Sa mga magtatrabaho sa maabot na holiday, mababayadan ini nin nasa 200 percent sa basic wage sa laog kan walong oras.

Makakareseber man nin additional 30 percent enkaso naglampas nin walong oras sa pagtatrabaho an empleyado.

Mientrastanto, pigkokomemorar an Araw ng Kalayaan sa ika-12 nin Hunyo.

Sa ngunyan, pigselebrar an ika-126th Independence Day sa nasyon.