Pig-enkaminar ni Department of Labor and Employment (DOLE) Undersecretary Benjo Benavidez an mga minimum wage earner na mag-avail kan Ayuda sa Kapos Ang Kita Program (AKAP).
Sigun ki Benavidez, an nasambitan ng programa an sadyang ginibo tanganing matabangan an mga obrerong nagsusweldo nin minimum wage asin below minimum wage.
An kontrobersyal na AKAP sarong government assistance program sa irarom kan Department of Social Welfare and Development (DSWD) asin National Economic Development Authority.
Sigun ki Benavidez, pwedeng makakua an mga obrero nin salary certification gikan sa saindang mga employer asin isumiter ini sa DSWD. Gabos soboot nin aplikasyon an sasalain salig na man sa sinusunod na guidelines sa implementasyon kaini. Digdi man hihilingon kun mapasar sinda asin dagusan ng magigin benepisyaryo.
Sigun pa sa DOLE official, kun magigin benepisyaryo an mga ini, isasapubliko man an saindang mga rekord, asin posible ining mahiling nin Commission on Audit (COA), salig sa tungkulon kaining pag-audit nin mga pampublikong pondo.
Basado sa 2025 General Appropriations Act (GAA) na pinirmahan ni Presidente Ferdinand Marcos Jr., an AKAP an igwa nin pondong P26 billion para ngunyan na taon.
