Pigpahimutikan kan Department of Labor and Employment an pagharang kaini soboot sa prosopwestong ley na 200 pesos minimun wage increase para sa mga obrero.
Mawot tawan linaw kan nasambitan ng ahensiya an saindang posisyon pag-abot sa ulayan kan paglangkaw kan pirang katidad sa magigin dugang na pasahod ara-aldaw.
Pigheras mismo ni Secretary Bienvenido Laguesma, an presenteng sekretaryo kan Department of Labor and Employment na an paglilinaw na ini an huli na man sa mga nakalihis na naeksperyensiyahan.
Paliwanag kaini, igwang nagsasabi kaya na pighaharang kan ahensiya an siring na langkaw pasahod kun nagtatao ini nin mga technical inputs mapadapit sa pagpapautob kaini.
Huli digde, maduon na pighayag ni Secretary Bienvenido na an ahensiya an dae nagtututol kun dagusan na magigin ley an prosopwestong ini.
Mientrastanto, pigsierto man kan nasambitan ng labor secretary an implementasyonkan 200 pesos wage increase kun sakaling maipasar na ini kan kongreso.
Piglinaw man kaini na bakong trabaho kan ahensiya an ibusol, suportaran o tutolan an prosopwestong ley.
Imbes, sinaysay ni Secretary Bienvenido Laguesma na sinda an nagtatao sana nin mga impormasyon sa pagheheras kan mga posibleng magin epekto kaini sa sitwasyon kan tabaho sa nasyon.
