An Department of Tourism (DOT) nagkokondusir nin sarong bulan na pagsasanay para sa mga frontliner bilang pagpreparar sa pag-host kan Pilipinas kan 49th ASEAN Summit and Related Meetings sa Nobyembre.
Nakasentro an programa sa Filipino Brand of Service Excellence (FBSE) tanganing ihanda an mga partisipante na magsirbing liaison officers, information officers, asin ushers sa mga itinalagang venue, hotel, asin airport.
Segun sa DOT, nasa 244 na partisipante hale sa pitong batch an saindang naitrain poon kan Oktubre 19.
Dinisenyo ni DOT Assistant Secretary Ma. Christina G. Aquino an kurikulum, kaiba an mga eksperto na nagtutukdo nin mga pamantayan sa diplomasya asin serbisyo.
Isasairarom man an mga partisipante sa mga stress test, panel interview, asin site inspection tanganing masiguro an saindang kahandaan bago ideploy.
Para ki Tourism Secretary Dita Angara-Mathay, an katuyuhan kaini iyo na maipahiling an pinakamarhay na Filipino hospitality asin magbilog nin positibong impresyon sa mga internasyonal na delegado.
Nagkaigwa na man nin nagkapirang aktibidad kan ASEAN sa Visayas, na nagpahiling man kan magagayon na lugar sa rehiyon.
