Piglinaw kan Department of Transportation (DOTr) na mga brand new na lunadan asin motorsiklo sana an magkakaigwa nin limang taong validity kan registration.
Sigun sa DOTr, makalihis an limang taon, magkakaigwa na nin taon-taon na renewal kan rehistro kan lunadan.
Magkakaigwa man soboot nin roadworthiness check sa ikaapat na taon kan lunadan tanganing masierto na marhay an mga nagdadalagan na behikulo sa tinampo.
Enot nang pigpahayag kan Transportation Department na huli ta kadakol na car dealers ngunyan an nagtatao nin mas halabang warranty sa mga bagong lunadan, dapat mas halaba naman an validity registration kan mga ini.
Nag-apelar an DOTr sa car dealers asin sa Chamber of Automotive Manufacturers of the Philippines, Inc. (CAMPI), na gibuhon naman libre an limang taong rehistro kan mga brand new na lunadan tanganing makatipid an mga motorista.
