Pigbuyagyag ni Senate President Pro Tempore Panfilo “Ping” M. Lacson kan nakalihis na aldaw nin Martes na dae mababa sa P50 bilyon gikan sa unprogrammed appropriations kan 2024 budget an pigtagama kan Department of Public Works and Highways (DPWH) para sa mga proyektong imprastraktura — kabali an P30 bilyon na napaduman sa mga flood control projects sana.
Sigun ki Lacson, malinaw ining na patunay na garo naadaptar na an pirang opisyal kan DPWH na dai sumunod sa master plan kan gobyerno pag-abot sa pagpapautob kan mga proyekto.
Sigun ki Lacson, Sa 2024, nahiling kaini an dokumento, an pighakot na gikan sa unprogrammed appropriations, naglalapag nin P50B asin P30B na nakalaag sa flood control projects. Boot sabihon nawili an mga ini sa flood control projects na dai nagtatama sa mismong master plan. An unprogrammed appropriations, sinabog sa kun saen na distrito tangani maggibo nin flood control projects.
Na para sa saiya totoong naabuso. Sang-ayon si Lacson sa mga repormang ipinapautoh ngunyan ni DPWH Secretary Vince Dizon tanganing liwaton an mga proyekto susog sa master plan kan gobyerno, pati na sa polisiya ni Senate Finance Committee Chairman Sherwin Gatchalian na dai pondohan an mga proyektong luwas sa planong ini.
Pigtawan-duon man ni Lacson na kaipuhan na tapuson na an praktis kan DPWH sa pagkakawat sa pondo kan taumbayan, orog na an pagribay kan proyekto na pwedeng ikonsiderar na technical malversation.
Paliwanag pa kan opisyal, enkaso nagsumiter sinda nin budget, talagang itemized na, oras na iniba an pagtatagamahan kan pondo, technical malversation na. Kun igwa soboot na nakatagama na pondo para sa proyekto dapat stick sa project na.
Sinaysay man ni Lacson na magigin pusog an Senado sa paghale kan P42 bilyong nakatagama para sa mga programang “ayuda” o social assistance gikan sa unprogrammed appropriations kan 2026 budget bill, asin imamantinir sana an pondo para sa mga foreign-assisted projects.
Hurot ni Lacson, na bistado komo matiyaga asin matalas sa pagsuri kan badyet, ini man an prinsipyo ninda Senate President Vicente Sotto III, Senate Finance Committee Chairman Sherwin Gatchalian, asin kadaklan sa mga myembro kan majority bloc.
Pig-omaw pa kan opisyal si Gatchalian sa marhay na pangangasiwa kan mga pagdangog kan komite sa badyet.
Sinaysay kaini na dawa ngani dai ini personal na nakaatendir huli sa saiyang pagpabulong gikan sa sarong operasyon, sinubaybayan man kaini an mga pagdangog online.
