Liwat na nagbisita sa cuidad nin naga si Department of Public Works and Highways DPWH Secretary Vince Dizon kasuudma aldaw nin Huwebes Agosto 6, 2026. Binisita kan Sekretaryo an Sagop Creek sa Barangay Concepcion Pequeña Naga City.
Segun ki Dizon, naiturn-over na an mga bagong ekipaheng gagamiton kan lokal na gobyerno kan syudad tanganing malinigan an mga kanal sa syudad partikularmente an Sagop creek tanganingmaibitaran an labing gayong pagbaha tuyong nagkakaigwa nin kalamidad.
Dugang pa kan Sekretaryo, magiging permanente na an mga ekipahe hatud kan DPWH sa syudad base man yan sa derektiba kan Presidente kan nasyon na si President Ferdinand Marcos Jr. na matawan nin mga specialized equipment orog na an mga flood prone areas tanganing malinigan an mga water ways.
Saro sana an syudad ni Naga sa benepisyaryo kan mga ekipahe huli ta haloy ng panahon na dai nalilinigan an mga kanal na saro sa kawsa kan labing gayong pagbaha. Sarong dakulang backhoe asin saro pang sadit na backhoe an itinao kan DPWH sa Naga City.
Marurumduman na kan nagbisita an Presidente sa syudad, saradit na ekepahe an hinagad kan alkalde kan cuidad na si Mayor Leni Robredo tanganing magamit sa dredging kan saradit na creek na dai kayang laogon kan dakulang backhoe. Apwera sa sadit pang backhoe, piglalaoman na sa masunod na semana maabot man an duwang mobile pumps tanganing malinigan an mga kanal kan cuidad nin Naga.
