NAGA CITY- Liwat na pinagirumduman kan pamayuhan kan LTO-Naga an mga driver na dae mag-inom mantang nagmamaneho o mamaneho orog na kan Public Utility Vehicle.
Sa entrevista kan Bombo Radyo Naga ki Grace Rojas, LTO Chief kan Naga, sinaysay kaini na an nasambitan ng pagirumdom an huli sa nag-viral online na driver kan jeep na kun saen marekas an pagmamaneho kaini asin nasa irarom kan impluwensiya nin arak. An nasambitan ng lunadan an igwang designated route na Naga-Calabanga.
Katakod digde, sigun ki Rojas an nasambitan ng driver asin operator kan jeep an pig-isyuhan nin show cause order asin masagibo naman nin imbestigasyon an LTO Regional Office.
Dugang pa kan opisyal an LTO Regional Offices an matao nin penalidad sa driver alagad madepende ini sa resulta kan imbestigasyon.
Sa ngunyan, pighahalat na sana ninda an magigin desisyon kan LTO Regional Director dapit sa nasambitan ng insidente.
