Naga City – Pigpuonan na kan LTO Naga an pagdestrebwer nin drivers license tuyong aldaw nin Sabado.
Sa entrevista kan Bombo Radyo Naga ki Grace Rojas an LTO Chief kan Naga nagpuo na soboot kan nakalihis na Sabado, October 4 an saindang printing kan backlogs kan Drivers License cards.
Huli kaini, pig abisuhan man kan opisyal na nagkaigwa na nin bayad an pag renew kan lisensya sa LTO Naga.
Available man soboot an cards asin supesyente man an mga cards kan DL cards kaya kun pwede maiclaim na an mga ini.
Tuyong weekdays alas 8 nin pagkaaga hasta alas 5 nin hapon bukas man soobot an saidang opisina.
Sigun pa ki Rojas kan nakalihis na sabado, nakapag print an mga ini nin nasa lampas 200 na mga cards sa haros kabangang aldaw sana.
Dugang pa kan opisyal, igwang mga tawo na dae pa naabisuhan na pwede nang makua an siring na mga cards sa saindang opisina.
Pigsaysay pa ni Rojas na nagbukas an saindang opisina tuyong Sabado huli ta an mga dae soboot available sa weekdays an pwede magpasiring sa saindang opisina tuyong sabado.
Pigtawan duon man kan LTO Chief na supesyente an saindang mga cards kaya mayo ining nahihiling na problema sa presente. Naoogma man soboot ini sa saiyang mga personahe huli ta mahihigos an mga ini magtrabaho dawa na aldaw nin Sabado.
Mientrastanto, manungod man sa paghatod kan mga lisensya pigte-text man ninda tangaining mareseber kan mga indibidwal.
Mientrastanto, pigtutugutan man soboot na ma-iclaim kan mga kapamilya an nasambitan ng card alagad ini pighahagadan nin authorization letter with valid Id tanganing makua an nasambitan ng lisensya.
Sa ibong na lado, padagos man soboot an saindang road safety campaign kun sain igwang mga eskwelahan na nag iimbitar sa sainda tanganing magsagibo kaini.
Kadakol man soboot mga aatenderan na activities sa an opisyal mga masurunod na aldaw.
