NAGA CITY- Nagpuon na an Department of Social Welfare and Development Bicol (DSWD-5) sa pagpre-position kan mga ready-to-eat food packs tanganing mapakusog pa an kapreparaduhan tuyong igwang kalamidad siringman an pagresponde sa Rehiyon na saro sa mga pigtataman kan bagyo.
Sigun ki Claudio Villareal, chief kan DSWD-5’s Disaster Response Management Division, an inisyatiba na ini an komo pagsuporta sa pangapudan ni Presidente Ferdinand R. Marcos Jr.’s na padagos na magkriar nin mga stratehiya na mapababa sa epekto kan kalamidad sa mga Pilipino.
Katakod digde, kabilugang 15,400 ready-to-eat food packs an nakaprepositioned sa warehouse sa Camarines Sur asin Sorsogon.
An mga food packs na ini an itatago sa mga seaports asin warehouses sa Bicol Region tanganing masierto an marekas na deployment sa panahon kan kalamidad.
Dugang pa kan opisyal, an ready-to-eat food packs an igwang laog na masustansiyang pagkakan na maabot nin pirang aldaw.
Ini an para sa mga maibakwar, stranded passengers tanganing masierto na mayong magugutom sa mga evacuation centers o sa mga naghahalat sa mga terminals.
Sa ngunyan, an DSWD an mamanehar kan mga food packs, alagad an local government units asin Philippine Ports Authority, sa irarom kan Relief Prepositioning Agreements, an mamanehar kan saindang mga stocks.
