Pinaiigting kan Department of Social Welfare and Development (DSWD) Region V an mga pagpepreparar asin programa kaini tanganing mabawasan an epekto kan Super El Niño sa mga komunidad sa Bicol Region, partikular sa mga paraoma asin pamilyang posibleng maapektaran kan matinding tagtuyot asin kakulangan sa suplay kan tubig.
Sa intrevista kan Bombo Radyo Naga Ki Norman S. Laurio, Regional Director, DSWD RO5, sinaysay kaini na bag o pa man an El Nino dakul ng programa an tgpapatupad kan DSWD tanganing mabawasan an epekto kan Super El Nino, arog na lamang kan Project LAWA at BINHI na benepisyaryo an komunidad.
Segun ki Laurio an Project LAWA at BINHI tinutukduan an mga benepisyaryo asin komunidad sa paghimo nin saradit na impounding areas o water facilities para sa pag-imbak nin tubig na magagamit sa pag-irigasyon kan mga pananom sa panahon kan tag-init, kaiba an pagtatanom nin mga gulay bilang suporta sa seguridad sa pagkakan asin kabuhayan kan mga paraoma.
Dugang pa kaini, sa tabang man kan Bureau of Fisheries and Aquatic Resources (BFAR), na namamahagi man nin mga tilapia asin bangus kun saen dakul naman banwaan sa kabikolan an naka guno na nin sira, na nagtatao sainda nin dugang mapagkukuanan nin pagkakan asin kita.
Apwera igdi, tglansar man an pinakainot na Atmospheric Water Generator (AWG) sa isla kan Hilutungan, banwaan kan Kawayan, probinsya kan Masbate kun saen an machine nagkokonberte kan humidity kan paros pasiring sa tubig na minaagi man sa anom na yugto nin filtration, na nagpoprodyusir nin inumon na tubig asin ligtas inumon huli ta nakapasa ini estandarte kan Department of Health.
Sa iraraom man kan Disaster Response Management Division (DRMD), nagpoon na an Department of Social Welfare and Development (DSWD) sa pagdistribwir nin Family Food Packs (FFPs) sa mga apektadong paraoma bilang ayuda sa panahon kan tagtuyot, kun saen umabot na sa 51,500 Family Food Packs an naipanao sa probinsya kan Camarines Norte, na idineklara nang State of Calamity, asin sa iba pang probinsya kan Bicol Region, kaiba an Catanduanes, Masbate, Albay, Sorsogon, asin Camarines Sur.
Lagpas 400,000 Family Food Packs an naka preparar na sa mga regional warehouse kan DSWD sa anom na probinsya kan Bicol Region, kaiba man an mga relief goods na nakaimbak sa mga warehouse kan mga lokal na pamahalaan (LGU), tanganing masiguro an marikas na pagtao nin ayuda sa mga pamilyang maaapektaran kan Super El Niño o nin ano man na kalamidad.
Padagos na minomonitor kan ahensiya an iba pang mga lugar na posibleng maapektaran kan Super El Niño, na segun sa PAGASA, posibleng magdara nin grabeng tagtuyot na makakaapekto sa mga pananom asin kabuhayan kan mga paraoma.
Mientrastanto, personal na binisita ni Secretary Rex Gatchalian an Camarines Norte asin nakipag-ulay ki Gobernador Ricardo Dom Padilla sa irarom kan direktiba ni Secretary Gatchalian, nagbaba nin pondo na kulang kulang P260 milyon para sa Emergency Cash Transfer (ECT) sa mga paraoma sa Camarines Norte kun sain ini man an inot na grabing naapekataran
Nagpagirumdom n tubig asin magpreparar para sa posibleng epekto kan Super El Niño, sa paagi kan pagseguro na igwa nin sapat na suplay nin tubig asin an responsable na paggamit kaini tanganing malikayan an pagkaubos kan suplay sa panahon nin tagtuyot.
Tinawan-duon kaini na importante an pagtatarabangan kan gobyerno asin publiko tanganing masigurong epektibo an pagresponde sa mga kalamidad, partikular sa posibleng epekto kan Super El Niño.
