Pig-atasan an gabos na mga online sellers sa nasyon na magkaigwa nin Philippine Trustmark digital badge sa kanya-kanyang mga online stores.
Sigun sa Department of Trade and Industry an trustmark seal certifies sa mga online business an komo pagsunod sana sa good e-commerce practices asin ma pag comply sa ley kan nasyon.
An nasambitan ng E-commerce Philippine Trustmark an parte kan Internet Transactions Act of 2023.
Sigun ki DTI Secretary Cristina Roque, naka-resiber an saindang departanento nin kadakol na mga reklamo dapit sa online shopping asin kan trustmark, ini kaya paagi tangani man mabawasan an sale kan counterfeit goods, illegal products, asin man substandard items.
Mientrastanto, nagkapirang mga Sellers nadiskubre na igwa nin mga isyu sa pekeng trustmark na dae nagsusunod sa mga regulasyon, an shop kan mga ini pwedeng mapatawan nin sanctions na mahali sa mga online platforms.
An mga mayo kaya nin trustmark an maikokonsiderar na illegal businesses.
