Duwang pagyugo-yugo an namatean sa karagatan harani sa Balut Island, Sarangani, pagkabangge nin Sabado, Enero 10, 2026 sigun sa report Philippine Institute of Volcanology and Seismology (Phivolcs).
An enot na linog may kusog na magnitude 6.8 na nagtama bandang alas 10:58 nin pagkabangge.
Sigun sa Phivolcs, an epicenter kaini manunutaran mga 315 kilometers sa timog-silangan kan Balut Island, na may rarom na 10 kilometers.
Namatean an pagyugo-yugo sa mga lugar siring kan Malungon asin Kiamba sa Sarangani; Koronadal City asin Tupi sa South Cotabato; asin Palimbang sa Sultan Kudarat (Intensity II).
Namatean man an pagyugo-yugo sa Magsaysay sa Davao del Sur; Sta. Maria sa Davao Occidental; Nabunturan, Davao de Oro; Maitum asin Malapatan sa Sarangani; Banga, Tampakan, T’Boli, Surallah, asin Santo Niño, South Cotabato; asin General Santos City (Intensity I).
Malahis an 17 minutos magnitude 5.2 na linog naman an nagtama bandang alas 11:15 nin pagkabangge sa 350 kilometers epicenter kan timog-silangan kan Balut Island, sa parehong raraom na 10 kilometers.
Alagad mayo man piglalaoman na danyos gikan sa nairehistrong linog asin anuman na aftershocks.
