NAGA CITY – Duwang lunadan sa rent sangla modus an narekober kan otoridad sa probinsya nin Quezon.
Sa nakuang impormasyon kan Bombo Radyo Naga, personal na nagdulok sa pulisya an negosyanteng si Joselito Bautista Jimenez na taga-Valenzuela City makalihis mahiling an saiyang lunadan sa nasambitan ng probinsya.
Nahiling soboot kaini an saiyang orange Toyota metallict hi-lux sa Barangay Sta. Lucia, Dolores Quezon.
Tulos man na nagresponde an mga otoridad asin narekober an nasambitan ng lunadan sa posisyon kan sarong Angel Faraon.
Apwera sa nasambitan ng lunadan, narekober man sa posisyon kaini an sarong sterling silver Mitsubishi Montero na nakarehistro sa sarong Sandy Eliscupidez Isidro kan Bulacan.
Depensa naman ni Faraon na an nasambitan ng lunadan an pinabakal sa saiya kan sarong Rafaela Anunciacion na enot nang nadakop kan mga otoridad na miyembo soboot kan pigtutukdong sindikato kan Rent-Sangla.
