Pigkumpirmar kan Department of Health an duwang panibagong kaso kan Mpox o Monkeypox na detect sa nasyon partikularmente sa Metro Manila.
Ini na an panduwa asin pantolong kaso kan Mpox sa Pilipinas ngunyan na presenteng taon mantang 12 naman na kaso kan nasambitan ng virus an nairehistro sa Pilipinas puon pa kan July 2022.
An parehas na kaso an natukoy na variant MPXV Clade II na mas maluyang klase kan Mpox virus.
Sigun sa ahensya, an mga pasyente an natukoy na sarong 37-anyos na lalaki asin 32-anyos na lalaki gikan sa NCR.
Parehas sa mga ini an nagkaigwa nin close asin intimate contact antes nakaeksperyensiya nin mga sintomas kan Mpox.
Kabali sa mga sintomas kan Mpox an rashes fever, headache, muscle aches, back pain, asin pangluluya.
Pig-enkaminar man ni Health Secretary Ted Herbosa na likayan an close, intimate asin skin to skin contact tanganing dae maulakitan kan helang.
Ugalion man soboot na maghugas nin kamot asin magkonsulta sa doktor kun nakakaeskperyensiya nin sintomas.
