Dagusan nang namaaram sa kontensiyon sinda Alex Eala asin Ukrainian partner kaini na si Nataliia Kichenok sa Guangzhou Open doubles na pigkundusir sa Nansha International Tennis Center sa Guangzhou, China.
Nanamitan ninda Eala asin Kichenok an masaklap na 7-6 (4) 3-6, 5-10 pagkadaog sa kamot ninda Katarzyna Piter kan Poland asin Janice Tjen kan Indonesia sa semifinals kan nasambitan ng 250-level WTA tournament.
Nakipagsabayan nin husto sinda Eala asin Kichenok tangani makua an dikdikang labanan sa first set.
Alagad tolos na nagresbak sinda Piter asin Tjen sa se-cond set kun saen piglatag tolos kaini an 5-3 kalamangan na nagin paagi tanganing matabla an kawat sa 1-1 asin maipuwersa an deciding third set.
Nadara ninda Piter asin Tjen an magayon na momento sa final frame tanganing dagusan ng patalsikon sinda Eala asin Kichenok.
Nag-abante sa finals sinda Piuter asin Tjen kun saen makakahampang ninda sina Eudice Chong kan Hong Kong asin En-Shou Liang kan Chinese-Taipei.
Si Tjen an nakadaog ki Eala sa quarterfinals kan Sao Paulo Open sa Brazil kan Setyembre.
Tolos man na mapasirinh si Eala sa Hong Kong para naman sa Hong Kong Tennis Open na idaraos sa Victoria Park puon Oktubre 27.
Naglalaom si Eala na matutuldukan na an kamalasan na ini sa Hong Kong Open makalihis an sunud-sunod na pagkakadaog sa singles event.
