Dobleng paghahanda an ginibo ni Dayangdang Barangay Captain Julius Cesar Sanchez sa presente na dengue outbreak asin sa maabot na super El Niño ngunyan na Oktubre.
Sa intrevesta kan Bombo Radyo Naga ki Sanchez, na regular na pag-spray asin misting an nagin pangunang prioridad ninda,
kaiba an kada simana na “rabus” sa tabang kan mga opisyal kan barangay asin mga boluntaryo.
Gnibo an mga preventive measures na ini sa parehong paagi sa ibang mga barangay sa Naga City.
Mientrastanto,na ngapudan man si Sanchez sa saiyang mga kapwa opisyal na tabangan siya sa pagpahinumdom sa mga residente
na magtipid nin tubig asin mag recycle kun kinakaipuhan.Ipinapagirumdom man ni Sanchez sa gabos na dapat seryosohon an dengue outbreak asin an El Niño, huli ta nagkakawsa ini nin pagkagadan asin nakakaapekto sa satong pang-adlaw-adlaw na buhay.
