Naka-monitor pa man giraray an Embahada kan Pilipinas sa Lisbon tanganing maaraman kun igwang Pilipinong nadamay sa nangyaring pagbagsak kan funicular railway car sa Lisbon, Portugal.
Sigun sa Embahada, pigbabantayan pa man giraray ninda asin pig-aaram an presenteng impormasyon kun igwang Pilipinong sangkot sa aksidente kan tourist tram sa lugar.
Nagpakol sa 17 an binawian nin buhay mantang 21 man an lugadan makalihis na madiskaril asin magbagsak an Gloria funicular railway car.
Dae pa man niluwas kan mga otoridad an pagkakakabistuhan kan mga biktima, alagad pigkumpirmar na igwang dayuhan an kabali sa mga nagadan.
Marurumduman, pigbuksan kan 1885, an Gloria line na nag-kokonektar sa downtown area kan Lisbon harani sa Restauradores Square patungo sa Bairro Alto o Upper Quarter.
Enot nang sinaysay kan Department of Foreign Affairs (DFA), na mayong Pinoy na nairehistrong nadamay sa insidente.
