NAGA CITY- Prangkang sinaysay ni Bayan Muna Rep. Carlos Isagani Zarate na kaipuhan na magpuon an pagtuldok sa End of Contract Scheme sa mismong mga ahensya kan gobyerno.
Sa entrevista kan Bombo Radyo Naga ki Zarate, sinaysay kaining basado sa saindang datos, nagluluwas na mismong sa gobyerno an may pinakadakol na obrerong Pinoy na yaon sa irarom kan ENDO.
Sigon ki Zarate, kun talaga suboot na sincero an gobyerno na masimbagan an problema sa sektor kan mga obrero, kaipuhan suboot na icertify na urgent an ley na dagos na mapangalad sa contractualization sa nasyun.
Dugang pa ni Zarate, mayo man suboot magigin saysay an mga isinasagibong job fairs kun makalihis an limang bulan, mahahale man sana suboot an mga empleyado sa saindang trabaho nin huli sana sa ENDO.
Enot kaini, dagos nang pinirmahan ni Presidente Rodrigo Duterte an Executive Order na nagmamawot na malimitahan asin dagos nang mauntok an contractualization sa Pilipinas, alagad, sigon sa nagkakapirang grupo, mayo suboot pagbabago sa nasambitan ng kasuguan na ipinaluwas kan hepe ehekutibo urog pa ta garo suboot nautro sana an enot nang nakapalaog sa Labor Code urog na an probisyon manungod sa Labor Only Contracting.
