NAGA CITY- Pigseselebrar ngunyan an ika enot na anibersaryo kan General Hospital sa siyudad nin Naga.
Sa nagin paghampang sa mga kagawad kan media ni Naga City Administrator Lito Del Rosario, sinaysay kaini na makalihis an sarong taon gikan sa sadit na pasilidad nagtitinir na systematic an procedure kan nasambitan ng hospital kun saen nagpapakol sa haros 400 na mga outpatient an pigca-cater ara-aldaw.
Sigun pa sa opisyal, nag-ooperate nin marhay asin nagtitinir na committed an mga doktor, nurse asin iba pang staff sa saindang mga trabaho na magtao nin de kalidad na serbisyo sa tawo.
Apwera digde, igwa man soboot ibe-bless na mga equipment na hemodialysis kun saen nakatalaan na ma-operate makalihis na maaprubahan an 2nd wave testing kan nasambitan ng kagamitan.
Dugang pa ni Del Rosario, igwa naman naka-install na ekipahe alagad an iba an dae pa.
Sa ngunyan, pigsierto na sana kaini na padagos an saindang pagpapakarhay sa health system kan siyudad tanganing makapagserbisyo pa nin marhay.
