NAGA CITY- Nagpakol sa poco mas o menos 100,414 minimum wage employees asin domestic workers sa Bicol Region an naglangkaw na an saindang aldawang sweldo.
Ini makalihis na ipautob an enot na tranche kan langkaw-sweldo kan nakalihis na Sabado, April 5, 2025 sigun sa National Wages and Productivity Commission.
Pigsaysay kan NWPC na an bagong wage order para sa daily minimum wage sa rehiyon an nagpakol na sa P435 para sa mga empleyado asin P6,000 kada bulan para sa household service workers.
Mantang para man sa labor groups sa irarom ka National Wage Coalition (NWC) padagos na nangangapudan ki Presidente Ferdinanad BongBong Marcos Jr tanganing i-certify an prosopwesto na P200 legislated wage increase huli sa paglangkaw man kan mga pamasahe sa pampublikong tranportasyon.
Enkaso ma-certify na urgent an P200 wage increase magseserbeng lakdang ini tanganing maaprubahan an makasaysayan na first-ever legislated wage hike sa laog lan 36 na taon puon pa kan 1989.
Marurumduman, kadakol na mga labor groups an padagos na pigbubusol an derechos kan gabos na mga obrero sa nasyon sa paagi kan langkaw-sweldo.
