Naghiras an sarong Pinay na ESL teacher na gikan sa Negros Occidental, kan saiyang 16 taon na eksperyensya sa pagtukdo sa Vientiane, Laos.
Sa intrevista kan Bombo Radyo Naga kiAnnie Inventor, Kindergarten and ESL Teacher in Laos, sinabi kaini na dakulang angat an pagtukdo sa mga aki na dae pa sanay sa eskwelahan. Sinabi niya na an pasensya, pagkamoot, asin pagsabot kaipuhan tanganing makua an tiwala kan mga estudyante.
An mga pagkakaiba sa lengwahe, kultura, asin paggamit nin teknolohiya nagtao man nin mga angat sa saiya. Minsan siring, nagmaigot siyang makanood asin makibagay sa bagong sistema nin pagtutokdo.
Para ki Inventor, an pinaka-importanteng naginibohan kan sarong paratukdo iyo an makagibo nin positibong pagbabago sa buhay kan saiyang mga estudyante.
Sa ibong kan saiyang mga plano na magbalik sa Pilipinas, gusto pa man giraray niyang magserbisyo asin magin inspirasyon sa mga paratukdo. Inenkaminar nia an mga edukador na padagos na makanood, mag-adjust, asin gumibo nin pagbabago sa buhay kan saindang mga estudyante.
