Pigbuyagyag ngunyan kan boksingero na si Eumir Marcial an mga huma na pig-agihan kaini sa katatapos na 33rd Southeast Asian Games sa Bangkok, Thailand.
Sinaysay ni Marcial na komo solong boksingero kan nasyon na nakakua nin gintong medalya sa SEA Games bakong madali an pinag-agihan kaini.
Sa saiyang presenteng WBC International Champion inisip kaining maapektaran an saiyang professional career kun ini mabigo.
Saro sa mga nagin huma sa saiya an paggamit kan organizers nin 3.5-meter Velcro wraps na dae salbado sa kamot kan mga boksingero.
Puon sa puon kan torneo dakol mga boksingero an nalugadan sa kamot huli sa bakong tugmang hand wrap.
Huli sa pursigido ini na manggana nin gintong medalya tinios na sana an kulog tanganing dae maraot an saiyang boxing career.
