Matrayumpo na naibalyo na si Former Negros Oriental Representative Arnolfo ‘Arnie’ Teves Jr. nin kustodiya makalihis na magpaluwas nin kasuguan an sarong korte sa Maynila.
Kun saen gikan Building 14 kan National Bureau of Investigation detention facility sa Muntinlupa City, ini ngunyan an nasa kulungan na kan Bureau of Jail Management and Penology o BJMP compound kan Camp Bagong Diwa sa syudad kan Taguig.
Isinagibo an nasambitan ng pagbabalyo nin kustodiya makalihis na mag-isyu an Manila Regional Trial Court Branch 51 nin ‘commitment order’ na iyong nagsugo sa National Bureau of Investigation na sunudon ini. Kaya man an nasambitan ng kawanihan an sinunod an direktibang ini kan korte asin tulos na idara an dating kongresista sa Metro Manila District Jail, Annex 2 BJMP Compound sa Taguig.
Magigirumduman na nagsunad nin mosyon an kampo ni dating Negros Oriental Representative Arnie Teves Jr. tangani dae na maibalyo nin kulungan alagad dae ini pinaburan kan korte.
Kaya man nadagos pa man ining darahon sa ibang kulungan kasabay kan saiyang mga kinakaatubang pang mga kaso sioring kan paggadan o murder.
An nasambitan ng korte na nagsugo na maibalyo ini, iyo an Manila Regional Trial Court Branch 51 na iyo man na may kapot sa kasong katakod kan madugong paggadan ki former Negros Oriental Governor Roel Degamo.
