Nagdesisyon si dating Presidente Rodrigo Duterte na dae maatendir nin personal sa pagbasa kan hatol sa apila kaining interim release sa International Criminal Court (ICC).
Nakatalaan kayang basahon kan ICC Appeals Chamber an apilar kan dating Presidente ngunyan na Nobyembre 28 pasado alas-5:30 nin pagkahapon oras sa Pilipinas.
Ipinahiling kan abogado kaini na si Nicholas Kaufman an waiver na pirmado kan dating Presidente na gamiton an karapatan kaini na dae maatendir nin personal sa pagbasa kan desisyon kan apilar kan defense.
Huli digde, irerepresente na kaini kan abogado kaining si Kaufman.
Marurumdumang nahahampang sa kasong crime against humanity an 80-anyos na dating Presidente huli sa kampanya kaini laban sa iligal na droga kan ini nakatukaw sa puwesto.
