Nagmiting si Executive Secretary Ralph Recto asin si Chinese Ambassador Jinq Quan kan Martes, Abril 14, tanganing pag-olayan an kabilogan na relasyon kan Pilipinas asin China.
Sa courtesy call, tinawan duon kan Ambassador an pagbalik kan mga diyalogo na may katuyuhan na mapakusog an bilateral relations kan duwang nasyon. Amb. Nagpahayag man si Jinq nin paglaom na mas dakul pang mga pagbisita an mangyayari ngonian na taon tanganing magpadara nin positibong senyales sa relasyon kan Manila asin Beijing.
Kabali sa mga pinag-olayan sa nasabing tiripon iyo an pagpakusog kan turismo, people-to-people exchange, asin an paglangkaw kan direct flights sa pag-ultanan kan mga syudad sa Pilipinas asin China.
An kooperasyon sa paglaban sa transnasyonal na mga krimen, relasyon sa ekonomiya, asin an presenteng kamugtakan sa enerhiya sa rehiyon tinawan man nin duon.
