Aminado an Commission on Elections (COMELEC) na saro sa pinakamagabat na hamon sa modernong halalan an paglaganap kan disinformation, misinformation, asin malinformation.
Sa Bagong Pilipinas Ngayon, pigsaysay ni COMELEC Spokesperson John Rex Laudiangco na orog pang naglala an banta kan deepfakes asin AI-manipulated content kan 2025 elections.
Komo tugon, mas pinaigting kan COMELEC an pagtatao kan tamang impormasyon sa paagi kan mga opisyal kaining plataporma asin mas aktibong pakikipagtabangan sa media asin mga technology companies para mahali an dummy asin fake accounts.
Nakipag-koordinar man an poll body sa Kongreso tanganing makabilog kan mga napapanahong ley kontra sa disinformation, kaibahan an prosopwestong iiba an election data komo parte kan critical information infrastructuture kan nasyon.
Pigtawan duon man ni Laudiangco na an laban kontra fake news bako sana responsibilidad kan COMELEC kundi kan bilog na sambayanan, tanganing maproteheran an tamang pagdedesisyon kan mga botante.
Mientrastanto, pigkonsederar man kan COMELEC komo dakulang lakdang an pagpapahewas kan overseas voting sa paagi kan internet voting na pigpautob sa 77 na nasyon kan nakalihis na eleksiyon.
