Nagtao an Presidente kan FETODA nin gradong 7 out of 10 sa ikalimang State of the Nation Address (SONA) ni Presidente Ferdinand Marcos Jr., na pigtutukduan an pagmidbid kan Presidente sa manlaen-laen na sektor asin an saiyang malasakit.
Sa intrevista kan Bombo Radyo Naga ki Gil Helen, FETODA President, nadisganar suboot ini huli dae nin espesipikong nasambit an kamugtakan kan mga tricycle drivers, na padagos na inaatubang an epekto kan sunod-sunod na paglangkaw kan presyo kan produktong petrolyo.
Segun ki Belen, uminabot na sa haros ₱7,000 kada bulan an nawarang income kan nagkapirang mga driver huli sa paglangkaw kan presyo kan petrolyo, kaya naglalaom sinda na tulos na matatawan nin atensyon an saindang mga agrangay.
Nangapudan man an FETODA sa gobyerno na ipadagos an pagtao nin subsidiya sa gasolina asin isa-ley an House Bill 11227 o an Magna Carta for Tricycle Drivers and Operators tanganing mapalawig an benepisyo na nareresibe kan sektor.
Naglalaom an organisasyon na sa masunod na mga programa kan administrasyon, mas matatawan nin atensyon an kamugtakan kan mga tricycle drivers asin ipapaotob an mga konkretong lakdang tanganing mapagian an saindang pagbuhay.
