Pigpabisto na kan organizers an 2026 World Cup an magigin mascots ninda puon sa tolong host countries.
An mga ini sinda Clutch the Bald Eagle, Maple the Moose asin Zayu the Jaguar.
Pigsaysay ni FIFA President Gianni Infantino na an mga mascots nagrerepresentar nin kaogmahan, kusog asin pagkakasararo siring kan FIFA World Cup.
An mga mascots nagrerepresentar nin host countries an Maple the Moose sa Canada, mantang an Zayu gikan sa Mexico asin si Clutch the Bald Eagle gikan sa US.
Ikukundusir an opening match kan 2026 World Cup sa Mexico City sa Estadio Azteca sa Hunyo 11, 2026 mantang an huring laban ikukundusir man sa MetLife Stadium sa New Jersey sa Hulyo 19.
Katakod digde, sa enot na pagkakataon magkakaigwa nin halftime show.
Pigbibilog ini nin 104 matches kun saen igwang 48 national team na puon sa dating 32 sana.
