NAGA CITY- Labing nakilhag an sarong Pilipina asin suportadores man ni dating Presidente Rodrigo makalihis na maarestrar an dating Punong Ehekutibo kan nasyon.
Sa report ni Bombo International News Correspondent Pamela Joy Bernales gikan sa Albania, sinaysay kaini na makalihis na mapabaretaan an nangyaring pag-aresto kan International Criminal Court ki dating Presidente Duterte namundo asin nadismaya sinda.
Sigun ki Bernales, makakilhag an marekas na pag-aresto sa dating Presidente orog na ta naglalaom soboot sinda na dae ini mangyayari.
Dugang pa kaini, nakakamundo soboot an nangyari nin huli ta nagtutubod sinda na marhay an nagin pagmanehar ni Duterte sa nasyon kan ini Presidente pa.
an mga naginibuhan asin natabangan kaini orog na an pagproteher sa mga Pilipino kontra sa mga krimen na kawsa kan ilegal na droga.
Katakod digde, nagtutubod pa man giraray si Bernales na kadakol pa an nakasuporta sa dating Presidente asin kadakol pa an nagtuubod digde.
Mientrastanto, sa presente mayo man pigkukundusir na hiro protesta o pagtiripon sa parte kan Albania katakod kan pagkaka-arestrar ki Duterte.
Marurumduman, enot naman na pigtawan duon kan Malakanyang na legal an pag-aresto sa dating Presidente kan Pilipinas.
Sa ngunyan, hagad na sana ni Bernales an ikakarahay kan Pilipinas sa ibong kan kariribukan na ini.
