Nairehistro kan Amerika an premirong tawo na nagadan sa bird flu. Pigkumpirmar ini kan otoridad sa Louisiana kan Lunes, oras sa Amerika. Alagad maski igwa man soboot nin underlying medical conditions an nagadan na pasyente na nasa edad kabi 65-anyos na.
Naospital ini huli sa namateang respiratory ailment asin ini an enot na seryosong kaso kan human infection kan H5N1 virus na na-detect sa Estados Unidos.
Nagkawsa man nin alarma sa Amerika an posibleng outbreak kan bird flu pandemic kan pag-anunsiyar sa kritikal na kondisyon kan nasambitan ng pasyente kan katahawan kan Disyembre 2024 na igwa man nin kapareho mga kasong naikurit sa iba pang parte kan kinaban.
Sa sarong statement, pighayag ni Louisiana Department of Health na nakua kan pasyente an nasambitan ng helang makalihis na ma-expose sa kombinasyon kan non-commercial backyard flock asin wild birds.
Sa ibong man soboot kan enot na fatality case sa Amerika, nnagtitinir na hababa an huma kan bird flu sa salud kan publiko asin mayo soboot na-detect na human-to-human transmission.
