NAGA CITY- Maabot sa poko mas umenos 25 metric tons nin sira an nairehistrong danyos kan fish kill sa Lake Buhi sa banwaan nin Buhi, Camarines Sur.
Ini katakod kan epekto kan panlalamasa kan bagyong Urduja sa rehiyong Bicol.
Sa entrevista kan Bombo Radyo Naga ki Nonie Enolva, tagapagtaram kan Bureau of Fisheries and Aquatic Resources (BFAR)-Bicol, sinaysay kaini na maabot sa 700 fish cages an apektado kan nasambitang fish kill.
Poon suboot kan aldaw nin Huwebes kan magpoon na magadan an nasambitang mga sira kaya tulos na nagkondusir nin emergency harvest an mga fish operators.
Katakod kaini, sigon ki Enolva, kaipuhan na suboot na mainaan an fish cages sa Lake Buhi huli ta 10 porsyento sana dapat an magamit sa kabilugang danao para mamantenir an ‘good aqua culture practices.’
Sa ngonyan, padagos an pigkokondusir na monitoring kan BFAR Bicol para maisapinal na an numero asin kantidad kan mga naapektaran na fish cages dara kan maraot na panahon.
