Pigkumpirmar ni Armed Forces of the Philippines (AFP) Chief of Staff General Romeo Brawner Jr., na hinali man kan mga soldados kan Pilipinas na nakaistasyo sa BRP Sierra Madre an mga fishing net na ibinugtak kan Chinese maritime militia sa laog kan Ayungin Shoal.
Sigugo soboot kan Western command an mga tropa na putulon an mga lambat tanganing magtinir na bukas an hiro sa laog kan bahura.
Enot na man na pigreport ni Gen. Brawner na matrayumpong napugolan kan tropa kan Pilipinas an pagporbar na pagrani kan sarong sadit na lunadang pandagat kan China pasiring sa BRP Sierra Madre na nasa Ayungin Shoal.
Alagad maski nasa palibot pa man kan bahura an Chinese vessels, harayo na soboot an mga ini.Masagibo man soboot liwat nin rotation asin resupply mission an AFP sa BRP Sierra Madre sa masunod na aldaw.
Naglalaom man an milotar na padagos na igagalang kan Beijing an presenteng paramientras na kasunduan dapit sa mga resupply mission.Inihayag man ni AFP Western Command Chief Vice Admiral Alfonso Torres Jr. na nagtitinir na alerto an military sa anuman na posibleng insidente sa lugar.
Ginibo ni Gen. Brawner an pahayag sa saiyang pag-atendr sa Combined Joint Forcible Entry Operations (CJFEO) na isinagibo kan mga soldados na Pilipino asin Australiano komo parte kan Exercise Alon 2025 sa San Vicente, Palawan.
