Labing ikinamundo ni Cardinal Pablo Virgilio David an mga indibidwal, partikularmente na an mga aki kan mga politiko, na binabalandra an saindang karangyaan mantang kadakol sa saindang kapwa an labing nagugutom.
Sigun ki David sa saiyang homiliya kan nakalihis na Sabado para sa Feast of the Passion of St. John the Baptist, malaswa kun an mga aki kan lambang mga pulitiko an nag-post sa social media nin dinner bill na nagkakantidad nin ₱760,000 para sana sa apat na tao—sarong kantidad na dawa an sarong obrero an dae nuarinman kayang kitaon sa laog nin tulong taon.
Dugang pa kan Cardinal, an mga tao, labing nagsasakit uru-aldaw tangani sana mapakakan an saindang mga pamilya sa ibong man kan back-breaking na trabaho karibay kan kakarampot na sahod. “When what should be shameful is shamelessly flaunted,” sigun pa sa Cardinal.
Sinundan pa kaini kan pagtaong duon na, Malaswa kun an biglaang yaman gikan sa katiwalian an ipinarada komo modelo kan trayumpo, asin an dae nakuang pakinabang an pigseselebrar man komo katalinuhan.”
Ikinamundo pa ni Cardinal David kun panong nakulong an sarong pobre na ama na nagkakawat nin sadit na gambling game, mantang mayo pang nakakasuhan sa soboot anomalya sa pagbaha sa manlaen-laeng lugar sa nasyon.
Tinapos ni David an saiyang homiliya sa paagi kan pag inkaminar sa lambang mga mananampalataya na nagkakanigong tugutan an mga sadiri na mabigla asin ma anggot sa mga siring na kalaswaan tangani tulos na magimata sa reyalidad man buhay tangani maibalik giraray an lambang mga dignidad, kagandahang-asal sa sarong lipunang naraot sana kan labing katiwalian.
