Matinir an food security emergency sa bagas mantang nakabinbin an pagsasabatas kan lakdang na amyendaran an Rice Tarrification Law.
Sigun ki Agriculture Secretary Francisco Tiu Laurel Jr., an Rice Industry and Consumer Empowerment (RICE) Act, obhetong ibalik an regulatory powers kan National Food Authority tanganing masierto na maging sttable an suply asin presyo kan bagas mantang pinangangatamanan an kapakanan kan mga paraoma asin comsumers.
Ipigsuhestyon man sa propwestong ley na ibalik an mga kapangyarihan kan NFA siring kan registration, licensing, supervision kan mga kaayon sa industriya nin bagas , icpeksyon sa mga bodega asin storage facilities, pagsamsam sa mga itinagong bagas,asin regulasyon kan importasyon asin export kan bagas.
Magigirumduman, nagdeklarar nin food security emergency sa bagas si Tiu Laurel base sa rekomendasyon kan National Price Coordinating Council.
