Nagsakat na sa US$7.1 bilyon an kabilugang net foreign direct investments (FDI) na naglaog sa Pilipinas puon Enero hasta Nobyembre 2025.
Basado ini sa pigpaluwas na datos kan Bangko Sentral ng Pilipinas (BSP), na nagpapahiling kan pusog na kumpiyansa kan mga dayuhang negosyante sa ekonomiya kan nasyon.
Para sa bulan sana kan Nobyembre 2025, nakapagrehistro an Pilipinas nin net inflows na nagkakantedad nin US$897 milyon.
Nagluwas sa report na an South Korea an nagin pangenot na pinaggikanan kan kan nasambitan ng pondon kun saen parte kan saindang puhunan an pigbulos sa manufacturing industry.
Sa kabilugang period man an enot na labi sarong bulan kan taon apwera sa South Korea, gikan an bulto kan equity capital placements sa Japan, United States, asin Singapore.
An mga naglaog na kapital an pangenot na pigtagama sa pagpapauswag kan manufacturing, wholesale and retail trade, asin real estate.
Sigun sa mga eksperto, an padagos na pagkusog kan FDI an krusyal sa pagpaparekas kan produksyon asin pagbubukas kan mas kadakol na oportunidad sa trabaho sa nasyon.
