Pigpirmahan na kan Games and Amusements Board (GAB) an Resolution No. 2025-08 tanganing siertuhon an kasalbaduhan asin integridad kan planong labanang boksing sa pag-ultanan ninda PNP Chief Nicolas Torre III asin Acting Davao City Mayor Sebastian ‘Baste’ Duterte.
An resolusyong ini an ginibo komo kasimbagan sa kahagadan kan duwang opisyal na magsagibo nin sarong boxing match.Nakapirma digde sinda Atty. Francisco Rivera, komo chairman asin mga miyembro kan board.
Pigrerekomendar kan GAB an pagtalaga kan sarong kwalipikado asin accredited professional referee tanganing mamayo sa nasambitan ng laban.
Pigsugo man kan GAB an saindang medical team na magbantay sa laban tanganing tulos na makapagtao nin tabang-medila kun kinakaipuhan.
Obheto kan resolusyon na masierto an marhay asin salbado na pagsasagibo kan laban alinsunod sa mga pamantayan kan propesyonal na isports.
Pigpapahiling kan GAB an importansiya kan regulasyon sa mga pampublikong kaganapan na igwang kinaaraman sa palakasan.
Dae pa nagtatao nin petsa an GAB sa nasambitan ng laban, alagad aktibo na an pagpepreparar tanganing ini an magin salbado asin makatarungan para sa gabos kan partisipantes.
