Bubukasan an gabos kan lanes sa North Luzon Expressway (NLEX) puon sa aldaw nin Miyerkules, Oktubre 29 hasta Nobyembre 3 tanganing mamanehar an piglalaomang bulos kan mga lunadang mapuruli sa mga probinsiya sa nararaning All Saints Day asin All Souls Day.
Sigun ki NLEX Ass. VP for Traffic Operations Robin Ignacio, paramientras na uuntukon an gabos kan mga piggibong pagpapakarhay sa mga tinampo siring man an mga naraot na tinampo apwera na sana kun igwang emergency repairs na kaipuhan na gibuhon sa kasagsagan kan holidays.
Inabisuhan man kan NLEX officer an na gamiton an Balintawak toll plaza imbes na mag-agi sa Mindanao Avenua toll plaza huli sa nagpapadagos na konstruksiyon kan extension kan nasambitan ng expressway.
Inabisuhan man an mga motoristang magpapabugtak nin bagong One RFID stickers na magpasiring sa maski saen na Easytrip branch para sa sticker.
Piglalaoman kan NLEX Corporation na malangkaw nin 5% hasta 10% an dakol kan mga lunadang maagi sa expressway puon sa normal na numero kada aldaw.
Maeeksperyensiyan an pagpupuon kan paglangkaw kan numero kan mga motorista sa hapon kan Huwebes, Oktubre 30,2025 kasabay kan pagpupuon kan pagpuli kan mga biyahero sa saindang probinsiya para sa holiday.
Tanganing mamanehar an influx o pagdagsa kan mga biyahero, mapakuriyat an NLEX nin dugang na personnel, kaibahan an traffic patrols.
