Masairarom na sa special operations training an gabos kan personnel kan Philippine Marine Corps (PMC).
Pig-anunsyar kan PMC an nasambitan ng pagbabago komo parte kan pagsasamoderno kaini sa bilog na hukbo.
Sigun sa PMC, bako na sanang mga miyembro kan elite units an masairarom sa special training kundi gabos kan mga nagmamawot magin parte kan hukbo.
Basado sa bagong kasuguan, padikit-dikit na ilalaog an mga advanced training sa PMC puon sa tactics and tehniques na dating pigtatangro sana sa elite forces siring kan Force Reconnaissance Regiment.
Kaibahan man digde an mga small units tactics, amphibious operations, covert reconnaissance, asin partisipasyon sa mga interagency missions kaibahan an iba pang elite forces kan ibang hukbo.
Sigun sa PMC Commandant Major General Vicente MAP Blanco III, bistado an mga Marines sa saindang katatagan asin pagigin matibay sa gabos kan klase kan mga pagsubok.
An bagong programa soboot iyo tanganing masierto na gabos kan Marines an preparado sa gabos kan aspeto kan giyera gikan sa conventional warfare hasta sa mga military missions na nangangaipuhan nin rekas, precisions, asin iba pang advanced skilss na kakaipuhanon tanganing salbadong maisagibo an nasambitan ng misyon.
Hurot kan 2-Star General, sierto na magpapatatag ini sa kapabilidad kan lambang miyembro kan PMC na dae nakukumpromiso an saindang morale o personal skills.
Naiintindihan soboot kan hukbo na saro ining masakit na lakdang alagad kaipuhan ining isagibo huli ta panahon ta tanganing i-level up an gabos kan kakayanan kan lambang soldados, salig sa pagmamawot kan Sandatahang Lakas ng Pilipinas na isamoderno an gabos na hukbo sa irarom kaini.
